إنستاباي: العميل بيحوّل باسم المستخدم أو اللينك أو الـ QR، والتحويل بيتأكد بالرقم المرجعي.
لكل طريقة دفع تختار تظهر للعملاء ولا لأ، وتظهر الرقم ولا اللينك ولا الـ QR.
رقم عليه إنستاباي بس متضيفهوش كمحفظة. ضيفه كطريقة دفع إنستاباي عشان يظهر للعميل صح.
4
جرّب تحويل
من ابدأ من هنا › جرّب تحويل: حوّل مبلغ صغير على رقمك وشوفه بيوصل.
الدفعة هتظهر في المدفوعات على طول.
لو لوحتك مربوطة، الرصيد بيتضاف للعميل لوحده.
كده خلاص! ابعت لينك الدفع لعملائك وابدأ تستلم.
اختياري
اربط لوحتك أو موقعك
عشان الرصيد يتضاف لعميلك لوحده أول ما التحويل يتأكد.
من المتاجر › متجرك › الربط بموقعك، اختار نوع لوحتك وحط بيانات الربط.
اللوحات اللي بنربط بيها: Perfect Panel وSoc Panel وAmazing Panel، ولو لوحتك نوع تاني اختاره من نفس القايمة.
شغّل الشحن التلقائي عشان كل تحويل يتأكد يتضاف للعميل على طول.
عايز تراجع كل تحويل بنفسك؟ سيب الشحن التلقائي مقفول، ووافق من المدفوعات › محتاجة منك.
العملة وسعر التحويل: من المتاجر › متجرك › الإعدادات › العملة وسعر التحويل، اختار عملة بلدك (غالباً جنيه) وعملة لوحتك (غالباً دولار). خلّي السعر يتحدّث لوحده (كل 5 دقايق)، أو اقفله واكتب سعرك بنفسك لو عايز تزوّد شوية تغطي المصاريف. العميل بيشوف المبلغ بعد التحويل في صفحة الدفع.
أرقام العملاء: لو شغّلت «الشحن برقم العميل»، العميل بيربط رقمه باسمه على لوحتك مرة واحدة بس، وبعد كده أي تحويل من الرقم ده بيتضاف لحسابه لوحده. تلاقيهم في المتاجر › متجرك › الأرقام › أرقام العملاء.
عندك EasyOrders أو Shopify أو WooCommerce؟ الإضافات الجاهزة في الربط بموقعك.
بيشتغل إزاي بعد كده؟
عميلك بيحوّل على رقمك، والموبايل المربوط بيبعت رسالة التحويل لدفعة، ودفعة بتقرا المبلغ والرقم المرجعي وبتأكد الدفعة على طول. لو لوحتك مربوطة، الرصيد بيتضاف للعميل لوحده من غير ما تعمل حاجة.
لو حاجة مش شغّالة
طريقة دفع مش ظاهرة في صفحة الدفع
اتأكد إن الرقم شغّال وظاهر للعملاء، وإن طريقة الدفع نفسها ظاهرة.
الرسالة وصلت بس الرصيد ماتضافش للعميل
اتأكد إن لوحتك مربوطة والشحن التلقائي شغّال. غير كده التحويل بيستنى موافقتك في المدفوعات › محتاجة منك.
الموبايل باين فاصل
افتح التطبيق، اتأكد إن معاه صلاحية الرسايل، واقفل توفير البطارية للتطبيق، واتأكد إن الموبايل فاتح النت.
الرقم المرجعي بتاع إنستاباي مش مقبول
اكتب الرقم المرجعي زي ما هو في الإيصال بالظبط (ممكن يبقى 12 رقم أو حروف وأرقام). لو مش لاقيه، استخدم اسمك المسجّل في البنك.
أسئلة بتتكرر
محتاج شريحة أو خط مخصوص؟
لا، أي شريحة بتوصلها رسايل المحفظة أو البنك تنفع. بس اربط الموبايل اللي عليه الشريحة.
ينفع أستخدم أكتر من رقم؟
أيوه، ضيف كل رقم في تبويب الأرقام، وكلهم هيظهروا في صفحة الدفع.
ينفع أستخدم دفعة من غير لوحة؟
أيوه. اختار لينك دفع بس، والتحويلات بتتأكد وتظهر في المدفوعات وانت تسلّم الطلب بنفسك.
الشحن التلقائي شغّال مع إنستاباي؟
الشحن التلقائي بالرقم شغّال مع المحافظ. رسايل إنستاباي البنكية مفيهاش رقم العميل، فبتتأكد بالرقم المرجعي.